Share

Te Mahi Tahi i ngā Iwi

Click here for English translation

He mea nui ki a Ngā Taonga te tūranga Kaitiaki mō ngā rauemi e whai pānga ana ki ngā iwi. Ka āta mahi mātou i ngā Kaitiaki o ngā iwi, kia tūhono atu ai ngā kohinga ki ngā tāngata me ngā wāhi e pā ana ki aua kohinga. Ko ngā Kaitiaki ngā uri whakatipu, ā, kei a rātou te kupu whakamutunga mēnā ka whakamahia ngā whakaahua me ngā kupu o ō rātou tīpuna hei mahi moni.

Te Waipounamu Marae Film Tour – Ōtautahi ki Awarua screening at Te Rau Aroha Marae, Bluff. November 2014.

Hei tāpiri atu, ka whakawhanaungahia haerehia e Ngā Taonga Sound & Vision i waenga i ngā iwi, ngā hapū me ngā whānau kia pai ai tā rātou hono ki ēnei hītōria o rātou. E pīrangi ana mātou kia ako, kia whakangungu haere rātou mā ēnei huarahi:

  • kia mahia mai e ngā mema o ngā iwi ki runga i ngā kaupapa o konei
  • ngā rauemi ā-rohe
  • he kaupapa ārahi
  • te tautoko i ngā hangarau
  • he whakaaturanga kiriata i ngā rohe
He pātaka tūturu mātou hei pupuri i ngā kiriata me ngā oro i raro i Te Tiriti o Waitangi i waenga i te Māori me te Pākehā kia āhei ngā raeumi, ngā whakahaere, ngā whiriwhiringa hoki i oatitia ai ki te Māori te rangatiratanga o ana whenua, o ana kāinga, o ana taonga hoki, me te mōhio anō hoki, ka whai pānga tūturu te Pākehā.

Kei te whai a Ngā Taonga i ana whainga matua e rua, ki te rokiroki i ana kohinga ki te taumata o te mahi rokiroki, kia toro mai hoki te iwi ki aua taonga. Kei te taurimatia ngā kohinga kia noho tonu atu ai te kaitiakitanga me te mana o aua taonga ki ngā tāngata nā rātou aua taonga, ka mau tonu ai ngā tika katoa.

Tirohia ētahi atu kōrero mō ngā taonga Māori ki Te Kohinga Māori.